மும்பை உயர் நீதிமன்றம் 2021 மார்ச் 17, குடும்ப நீதிமன்றம் வழங்கிய ஆணையை ரத்து செய்தது. அதே நேரத்தில் மகள் தனது தந்தையின் இரண்டாவது திருமணத்தின் செல்லுபடியை கேள்வி கேட்க முடியும் என்று கூறியது. தனது தந்தையின் இரண்டாவது திருமணத்தின் செல்லுபடியாகும் தன்மை குறித்து கேள்வி எழுப்பிய ஒரு தொழிலதிபரின் மகள் தாக்கல் செய்த வழக்கை வினவி முடிவு செய்யுமாறு நீதிமன்றம் குடும்ப நீதிமன்றத்திற்கு ஆணையிட்டது.

இரண்டாவது மனைவி ஏற்கனவே திருமணமானவர் என்றும் இன்னும் முறையாக திருமண முறிவு செய்யவில்லை என்றும் 2016 ஆம் ஆண்டில் தகவல் கிடைத்ததாக மனுதாரர் கூறினார். தொழிலதிபரிடமிருந்து தனது திருமணம் குறித்த உண்மையை அவர் மறைத்ததாகக் கூறப்படுகிறது. இருப்பினும், அந்தப் பெண் அனைத்து குற்றச்சாட்டுகளையும் மறுத்து, 1984 ஆம் ஆண்டில் இஸ்லாமிய முறைப்படி தலாக்னாமா மூலம் திருமணம் முறிவு செய்ததாக நீதிமன்றத்தில் பதிலளித்தார்.

தனது தந்தையின் மன நோய்கள், உடல் நலக்குறைவு மற்றும் மனநிலை சரியில்லாதது ஆகியவற்றை தனது மாற்றாந்தாய் தவறான முறையில் பயன்படுத்திக் கொண்டதாக மகள் குற்றம் சாட்டியுள்ளார். தனது தந்தையின் சொத்துக்களை மோசடி செய்ய வேண்டும் என்று திட்டமிட்டு, அவர் அவரை திருமணம் செய்து கொண்டார். பின்னர் அவரது முழு சொத்துக்களையும் மோசடி செய்யும் நோக்கத்துடன் அவர் மீது தேவையற்ற செல்வாக்கு, வற்புறுத்தல் மற்றும் கட்டுப்பாட்டில் வைத்தல் ஆகியவற்றைப் பயன்படுத்தினார்.

" எமது தந்தையை மோசடி வழிகள் மூலம் தமக்கு ஏற்ப உயிர், பல்வேறு தான பத்திரங்கள், போன்ற சொத்தை தனதாக்கிக் கொள்ளும் செயல்களை செய்து உண்மையான அவரது வாரிசுகளுக்கு சொத்து எதுவும் கிடைக்காமல் மோசடி செய்தார்" என்று மனுதாரர் மேலும் குற்றம் சாட்டினார்.

நீதியரசர்கள் ஆர். டி. தனுகா மற்றும் வி. ஜி. பிஷ்ட் அடங்கிய டிவிஷன் பெஞ்ச், தந்தையின் திருமணத்தின் செல்லுபடியை கேள்வி கேட்க மகள் தடை விதிக்கப்பட்டதாக குடும்ப நீதிமன்றம் கூறியது தவறானது என்று குறிப்பிட்டது.

மூத்த வழக்கறிஞர் வினீத் நாயக் மற்றும் வழக்கறிஞர் ஷெராய் போதன்வாலா ஆகியோரது கருத்துக்களை ஏற்றுக் கொண்ட அமர்வு, திருமணத்தின் செல்லுபடியாகும் தன்மையை தீர்மானிக்க குடும்ப நீதிமன்றத்திற்கு மட்டுமே சட்ட வரம்பு உள்ளது. எனவே, வழக்கின் பன்முகத்தன்மையை தடுக்கும் சட்டப்பிரிவு பொருந்தாது என்று கூறியது.

வழக்கின் பின்னணி:

ஒரு தொழிலதிபரின் 66 வயது மகள் 2019 ஆம் ஆண்டில் பாந்த்ரா குடும்ப நீதிமன்றத்தின் உத்தரவை எதிர்த்து மேல்முறையீடு செய்தார். குடும்ப நீதிமன்றம், இறந்த அவரது தந்தை மற்றும் மாற்றாந்தாய் திருமணத்தை செல்லாதது என்று அறிவிக்கும் மனுவை தள்ளுபடி செய்துள்ளது. இரண்டாவது மனைவி சார்பில் தோன்றிய வழக்கறிஞர் கே. சந்திரனாவுடன் தீப்தி பாண்டா தனது தந்தையின் திருமணத்தின் செல்லுபடியை கேள்வி கேட்க மகளுக்கு எந்த உரிமையும் இல்லை என்று கடுமையாக வாதிட்டார் என்று குடும்ப நீதிமன்றம் குறிப்பிட்டது. திருமணத்தின் செல்லுபடியாகும் தன்மை குறித்து எந்த மூன்றாம் தரப்பினரும் அறிவிப்பைப் பெற முடியாது என்று அவர் வாதிட்டார்.

குடும்ப நீதிமன்றச் சட்டத்தின் பிரிவுகள் பரவலாக இணைக்கப்பட்டுள்ளன என்று உயர் நீதிமன்ற அமர்வு குறிப்பிட்டது. இரண்டாவது மனைவியுடன் தனது தந்தையின் திருமணத்தின் செல்லுபடியாகும் தன்மையையும், அவரது திருமண நிலையையும் கேள்விக்குள்ளாக்க மகளுக்கு ஒவ்வொரு உரிமையும் உள்ளது என்று நீதிமன்றம் மேலும் கூறியது.

மனுதாரர் ஜூன் 2015 இல் பம்பாய் உயர் நீதிமன்றத்தை அணுகியதாகவும், ஆனால் அப்போது திருமணத்தை கேள்வி கேட்கவில்லை என்றும், எனவே, அவ்வாறு செய்வதற்கான தனது உரிமையை அவர் கைவிட்டதாகவும் குடும்ப நீதிமன்றம் தனது தீர்ப்பில் குறிப்பிட்டது.

இறந்தவரின் மகள் மற்றும் மறுபுறம் இறந்தவரின் இரண்டாவது மனைவி தொடர்பாக இரு தரப்பினருக்கும் சர்ச்சைகள் உள்ளன. அங்கு அவர்கள் ஒருவருக்கொருவர் சொத்துக்களை எடுத்துக் கொண்டதாக குற்றம் சாட்டுகிறார்கள்.

மனுதாரரின் தாயார் பிப்ரவரி 2003 இல் இறந்தார், அவரது தந்தை ஜூலை 2003 இல் மறுமணம் செய்து கொண்டார். அவரது தந்தை 2015 இல் இறந்தார்.

தலாக்னாமா

இஸ்லாமிய முறைப்படி வாய் வார்த்தைகளாக தலாக் (திருமணத்தை முறித்துக் கொள்கிறேன்) என்று கணவர் மனைவியை பார்த்து மும்முறை சொன்னால் திருமணம் முடிந்து விட்டதாக அவர்களது மத ரீதியான சட்டம் கூறுகிறது.  எழுத்து வடிவில் திருமணம் முடிவை கொடுப்பதற்கு பெயர் தலாக்நாமா.

மும்பை உயர்நீதிமன்றம், Shakil Ahmad Jalaluddin Shaikh vs Vahida Shail Shaikh And Anr on 20 January, 2016 வழக்கில், தமது தீர்ப்பில், தலாக்நாமா அல்லது தலாக், எதிர்த்தரப்பினால் கேள்வி எழுப்பப்படும் பொழுது அது செல்லாது என்று தீர்ப்பு அளித்தது.  நீதிமன்றங்கள் மூலம் மட்டுமே அவை தீர்க்கப்பட வேண்டும் என்றும் தெளிவான தீர்ப்பு வழங்கியது.