ஓசூர் சிப்காட் காவல் எல்லைக்குட்பட்ட பல்லூர் சந்திப்பு அருகே கடந்த நாள் (23.10.2026) வருவாய் வட்டாட்சியர் தலைமையிலான அரசு அலுவலர்கள் மற்றும் VAO ஆகியோர் இணைந்து தீவிர வண்டிகள் ஆய்வில் ஈடுபட்டிருந்தனர்.
அப்போது அவ்வழியாக வந்த இரண்டு பெரிய சரக்கு வண்டிகளை (Lorry) நிறுத்தி அவர்கள் ஆய்வு செய்தனர். அதில், எவ்வித அரசு அனுமதியும் இன்றி சட்டத்திற்குப் புறம்பாகச் சுமார் 11 அலகு (Unit) பாறைத் துகள் மணல் (M-Sand) கடத்தி வரப்பட்டது கண்டுபிடிக்கப்பட்டது.
இதனைத் தொடர்ந்து, சிப்காட் காவல் நிலையக் காவற்படையினர் விரைந்து வந்து, சட்டவிரோதக் கடத்தலில் ஈடுபட்ட இருவரையும் நிகழ்விடத்திலேயே அதிரடியாகக் கைது செய்தனர்.
மேலும், கடத்தலுக்குப் பயன்படுத்தப்பட்ட இரண்டு பெரிய சரக்கு வண்டிகளையும், அதிலிருந்த கனிம வளங்களையும் முழுமையாகப் பறிமுதல் செய்தனர்.
இதுகுறித்து வழக்குப் பதிந்த காவற்படையினர், கைதான இருவரையும் நீதிமன்ற நடுவர் முன்னிலையில் நிறுத்திச் சிறையில் அடைத்தனர்.
ஓசூர் எல்லையில் அதிரடி: உரிய அனுமதியின்றி M Sand கடத்திய இருவர் சிறையிலடைப்பு - வண்டிகள் பறிமுதல்!
